«Քոչարյանը երբևէ չի եղել քաղաքականության մեջ և, հետևաբար, եթե որևէ տեղում չկաս, ուրեմն չես էլ կարող վերադառնալ, այսինքն նկատի ունեմ, որ իր կառավարման տարիներին նա քաղաքականությամբ չի զբաղվել, այլ ի հեճուկս ՀՀ քաղաքացիների՝ վերցնելով իշխանությունն, իրեն ու իր շրջապատին դարձրել է հսկայական կարողության տեր։ Քոչարյանը մշտապես ինչպես խույս է տվել եկեղեցիներից, այնպես էլ խույս է տվել իրեն քաղաքական գործիչ կոչելուց»,- «Առաջին լրատվական»-ի հետ զրույցում նշեց Ազգային Ժողովի «Իմ քայլը» խմբակցության պատգամավոր Վահագն Հովակիմյանը՝ արձագանքելով Մարտի 1-ի գործով գլխավոր ամբաստանյալ Ռոբերտ Քոչարյանի այն հայտարարությանը, թե «իր էությամբ ու գործողություններով իշխանությունն ինձ վերադարձրեց քաղաքականություն, իսկ անազատության մեջ պահելով՝ ինձ հաջողությամբ դարձնում է իր ապաշնորհ կառավարմանը դիմակայելու խորհրդանիշ»։
Վահագն Հովակիմյանի խոսքերով՝ ի հեճուկս Ռոբերտ Քոչարյանի, Նիկոլ Փաշինյանի իշխանության հենարանն եղել է ու մնում է ՀՀ քաղաքացին։
«Եվ այս փաստն ամբաստանյալների կամքով չի պայմանավորված, ավելի լավ է թող այդ ամբաստանյալները գնան ու իրենց պաշտպանության մասին մտածեն, ինչպես նաև մտածեն, թե ինչպես են հանրությանը բացատրություն տալու՝ սահմանադրական կարգի տապալման մասին»,- ընդգծեց ԱԺ պատգամավորը։
Մանրամասները՝ տեսանյութում։
