ԱՄՆ Տրանսպորտի անվտանգության խորհուրդը նոր մանրամասներ է ներկայացրել Կոբի Բրայանտի կործանված ուղղաթիռից, որի ժամանակ 8 մարդ էր զոհվել: Այս մասին գրում է Reuters-ը:
Բրայանտի անձնական ուղղաթիռի ընկնելու սկզբից մինչեւ լեռան լանջերին հարվածելու ժամանակը կազմել է մոտ 1 րոպե, ընդ որում վերջին պահին ուղղաթիռը փորձել է դուրս գալ խիտ ամպերից եւ ձախ է թեքվել: Դրանից հետո կապը ուղղաթիռի հետ կորել է: Կործանման կոնկրետ պատճառ չի նշվել, չնայած ընդգծվել է, որ թռիչքի ընթացքում ուղղաթիռը տեխնիկական խնդիրներ չի ունեցել:
Դրանից բացի NTSB-ի ներկայացուցիչն ասել է, որ ուղղաթիռը սեւ արկղով եւ երկրային օբյեկտների հետ բախման նախազգուշական համակարգով հագեցած չի եղել: Ըստ նախնական գնահատականների, տեղի ունեցածի պատճառների եւ հանգամանքների հետաքննությունը մոտ 6 ամիս կտեւի: