«Ես կարծում եմ՝ պետք է ճանապարհ հարթվի նորերի համար, ընդ որում՝ Ժառանգություն կուսակցության երիտասարդների համար: Նաև իրենց համար եմ ասում, որ պետք չի թաքնվել ստվերում, պետք է իրենք դուրս գան արևի տակ»,-«Առաջին լրատվական»-ի հետ զրույցում ասաց ԱԺ «Իմ քայլը» խմբակցությն պատգամավոր Տիգրան Ուլիխանյանը՝ անդրադառնալով հարցին, թե արդյոք «Ժառանգություն» կուսակցության առաջնորդի հասցեին իր կողմից հոկտեմբերին արված գնահատականներից հետո ափսոսում է:
Հետաքրքրվեցինք՝ այդ հարցազրույցից հետո, երբ նաև Ժառանգությունը արձագանքեց, խմբակցությունում քննարկում եղե՞լ է.«Ոչ, քննարկում չի եղել, և ես կարծում եմ՝ չի էլ լինի: Այնտեղ խոսում են էթիկայի հանձնաժողովի ստեղծման անհրաժեշտության մասին, բայց կարծում եմ՝ դրա կարիքը չկա, որովհետև իմ բառապաշարը շատ հստակ էր: Ես ուր, էթիկայի հանձնաժողովն ուր»: