Սեպտեմբերի սկզբին դպրոցականները, ուսանողները և բոլոր նրանք, ովքեր երկարատև արձակուրդից հետո վերադարձել են աշխատանքի, ոչ մեծ սթրես են ապրում: Հոգեբանների շրջանում նույնիսկ կա հետարձակուրդային համախտանիշ հասկացությունը: Ռեժիմը խախտող թուլացնող հանգստից հետո մարդիկ ստիպված են լինում կտրուկ լծվել աշխատանքին կամ ուսմանը: Մի խոսքով՝ այս կամ այն աստիճանի անհարմարավետություն են զգում գործնականում գրեթե բոլորը:
Բացի այդ, ապացուցվել է, որ երկարատև հանգստից հետո մտավոր գործընթացների նկատմամբ մարդկանց ունակությունը նվազում է: Վերականգնվելու համար պահանջվում է մոտավորապես մեկ շաբաթ:
Իսկ ինչպե՞ս արագ անցնել աշխատանքային ռիթմի: Ցանկալի է օրվա ռեժիմը փոխել սովորականի մեկ շաբաթ առաջ: Իսկ դա նշանակում է, որ պետք է պառկել քնելու ժամը 22:00-ին, իսկ արթնանալ՝ առավոտյան 7-ին:
Մասնագետները խորհուրդ են տալիս ուշադրություն դարձնել սնվելու վրա: Վիտամիններով, հանքային նյութերով հարուստ մթերքները բարելավում են ֆիզիկական վիճակը և ուղեղի աշխատանքը: Օգտակար է ուտել ձուկ և ծովամթերք, մրգեր, հատապտուղներ, ոչ մեծ քանակությամբ սև շոկոլադ: Իսկ ահա ֆաստֆուդերը առաջացնում են հոգնածություն, ցերեկային քնկոտություն և օգտակար չեն ուղեղի համար: Երեկոյան ցանկալի չէ խմել սև թեյ՝ այն կարող է խանգարել քնելուն:
Արթնանալուց հետո անհրաժեշտ է կատարել մի քանի թեթև վարժություններ և անպայման նախաճաշել: Եթե անգամ երեխան արդեն ինքնուրույն է կատարում տնային առաջադրանքները և հավաքում պայուսակը, առաջին օրերին արժե նրան օգնել, քանի որ նա կարող է ինչ-որ բան մոռանալ:
Չնայած գործերով ծանրաբեռնվածությանը՝ ինչպես երեխաները, այնպես էլ մեծահասակները պետք է շատ շարժվեն: Որքան հնարավոր է՝ շատ քայլեք, քնելուց առաջ անպայման զբոսնեք:
