Ուկրաինայի սահմանի մոտ Ռուսաստանի զինավարժությունները սպառնում են լարվածության թուլացմանը: Այսպիսի հայտարարությամբ է հանդես եկել ՆԱՏՕ-ի գլխավոր քարտուղար Ալեքսանդր Վերշբոուն:
«Գաղտնի սպառնալիքների կիրառումը և Ուկրաինայի սահմանի մոտակայքում նոր զինավարժությունների անցկացումը սրում է առանց այն էլ անկայուն իրավիճակը, ինչպես նաև խախտում է Ժնևյան համաձայնագիրը»,- ենթադրում է նա:
«Ռուսաստանը պետք է կենտրոնանա զորքերը զորանոցներում հավաքելու վրա, նվազեցնի զինված հակամարտության վտանգը և համագործակցի Ժնևյան համաձայնագրի իրականացմանը, այդ թվում, նաև Ուկրաինայի արևելյան շրջաններում զինված խմբավորումների կողմից շարունակվող բռնության անօրինական ակցիաների դատապարտումը»,- հայտարարել է ՆԱՏՕ-ի գլխավոր քարտուղարի տեղակալը:
Ռուս-ուկրաինական սահմանին ռուսական զորքերի զինավարժությունները սկսվել են ապրիլի 24-ի առավոտյան:
ՌԴ պաշտպանության նախարար Սերգեյ Շոյգուի խոսքերով՝ դրանց անցկացումը անմիջապես կապված է Ռուսաստանի հետ հարևան շրջաններում ուկրաինական մեծ թվով զինված ուժերի կուտակման, երկրի հարավ-արևելյան շրջաններում խաղաղ բնակիչների դեմ ուժայինների և ծայրահեղականների կողմից սկսված ակտիվ գործողությունների հետ:
