Հեռուստահաղորդավար Մաքսիմ Գալկինը «Խոսե՞նք» YouTube-ալիքին տված հարցազրույցում մեկնաբանել է իր միասեռականության մասին լուրերը: Կոմիկի խոսքերով, նրա սեռական կողմնորոշումը քննարկվել է և համալսարանում, և շոու բիզնեսում կարիերայի սկզբից ի վեր:
«Ինձ թվում է, որ նմանատիպ լուրերն ինձ ուղեկցում են պարբերաբար՝ ամբողջ կյանքիս ընթացքում,- նշել է արտիստը:- Չգիտեմ, ինչու են նման լուրեր պտտվում, ես իմ կյանքում դա ոչնչով չեմ հաստատել»: Նա նաև հիշել է, թե ինչպես է 1997-ին շրջագայության մեկնելիս նույն կուպեում գտնվել մեկ այլ պարոդիստի հետ, որը բացահայտ գեյ էր: «Կողքի կուպեում մեկ այլ արտիստ էր՝ շատ նախանձ, որն օգտագործելով այդ փաստը, նման լուրեր տարածեց: Դա իսկապես զզվելի է»,- շեշտել է հաղորդավարը:
Գալկինը բացատրել է իր և իր գործընկերոջ մասին Միխայիլ Զադորնովի արած հայտարարությունը, ըստ որի նրանք միասին ժամանակ են անցկացրել ջակուզիում: Ըստ Գալկինի, Ղազախստանում համերգային շրջագայության ժամանակ նրանք երեքով են բաղնիք գնացել՝ ինքը, Սերգեյ Դրոբոտենկոն և Զադորնովը : «Այնտեղ մեծ ջակուզի կար: Մենք միասին նստած էինք, և պղպջակները բարձրանում էին և հաճելիորեն խուտուտ տալիս բոլորիս, և ուրիշ ոչինչ»: Նա ասել է, որ այդպես էլ չի կարողացել գտնել Զադորնովի իր միասեռականության վերաբերյալ մեջբերումով տեղեկատվության աղբյուրը:
