Դատարանի նկատմամբ դատական նիստում հնչած անհարգալից արտահայտություններին դատարանը չարձագանքեց։ Այս մասին լրագրողների հետ զրույցում ասաց ՀՀ երկրորդ նախագահ Ռոբերտ Քոչարյանի պաշտպան Արամ Վարդևանյանը։ Նրա խոսքով՝ նման իրավիճակներում դատարանն առնվազն պետք է ընդհատեր, իսկ առավելագույնը՝ բարձրացներ քրեական օրենսգրքով նախատեսված անհարգալից վերաբերմունքի մասին հարցը։ Վարդևանյանի խոսքով՝ Մխիթար Պապոյանին ինքնաբացարկ հայտնելու մասին նման որակի միջնորդություն ներկայացնելն իրենից մի շարք ռիսկեր է ենթադրում։ «Պարզապես, եթե նման հիմքը հիմք է հանդիսանում, ապա առավել ևս նշվածն էլ պետք է հանդիսանա։ Մենք նախորդ դատական նիստին չէինք ասում, որ դատավոր Մխիթար Պապոյանի կողմից որոշակի գործողություն է կատարվել։ Եթե նման դիրքորոշում արտահայտեր դատախազությունը, դա կլիներ կոպտագույն անմեղության կանխավարկածի խախտում կլիներ»,- ասաց Վարդևանյանը։