Փոլ Մաքքարթնին իր կնոջ՝ Լինդայի կողմից արված 14 լուսանկար է փոխանցել Գլազգոյի Քելվինգրոուվ թանգարան, հայտնում է Artnet News-ը:
Խոսքն այն լուսանկարների մասին է, որոնցում պատկերված են այնպիսի հայտնիներ, ինչպիսիք են Ջիմի Հենդրիքսը և Միկ Ջագերը, ինչպես նաև կադրեր ընտանեկան արխիվից:
Այժմ դրանք կարելի է տեսնել Լինդա Մաքքարթնիի հետահայաց ցուցահանդեսում, որը Փոլը և նրա դուստրերը կազմակերպել են Գլազգոյի Քելվինգրոուվ պատկերասրահ-թանգարանում:
Քաղաքային խորհրդի նախագահի տեղակալ Դեվիդ Մաքդոնալդը հստակեցրել է, որ ցուցահանդեսը մեծ հաջողություն է վայելում. «Մենք շատ ուրախ ենք, որ այս ցուցահանդեսը կազմակերպվել է հենց մեզ մոտ, և մենք շատ շնորհակալ ենք Մաքքարթնին այս աներևակայելի առատաձեռն նվերի համար»:
