Գերմանիայի տասնյակ բանկեր ու տարբեր հիմնադրամներ ֆինանսական վերահսկողական մարմինների կասկածի տակ են հայտնվել հարկերից խուսափելու և բաժնետոմսերի ապօրինի գործարքների պատճառով՝ հայտնում է ITAR-TASS-ը:
Ինչպես ապրիլի 5-ին հայտնել է Süddeutsche Zeitung թերթը, հետաքննվում է մոտ 50 դեպք, իսկ առավել լուրջ դեպքերին միջամտել է դատախազությունը:
Կասկածյալների թվում անվանվում են խոշորագույն ֆինանսական հաստատություններ՝ Landesbank Baden-Wurttemberg-ը, ինչպես նաև Hypo-Vereinsbank-ը, որը Unicredit Bank AG-ի դուստր ձեռնարկությունն է:
Հստակ չի նշվում, թե որքան գումար են թաքցրել հիմնադրամներն ու ֆինանսական հաստատությունները, սակայն խոսքը մոտ 979 մլն եվրոյի մասին է:
