Գերմանիայի ֆինանսների նախարար Վոլֆգանգ Շոյբլեն հայտարարել է, որ զուգահեռներ չի անցկացրել Ղրիմում Ռուսաստանի նախագահ Վլադիմիր Պուտինի ու Հիտլերի քաղաքականության միջև՝ հայտնում է գերմանական Welt պարբերականը:
Մարտի 31-ին Շոյբլեն հանդես գալով բեռլինյան դպրոցներից մեկում աշակերտների առաջ՝ պատմական զուգահեռներ էր անցկացրել Ղրիմը Ռուսաստանին միացնելու ու 1938-ին Հիտլերի կողմից այն ժամանակ Չեխոսլովակիայի նկատմամբ վերահսկողություն սահմանելու միջև:
Նա բացատրել է, որ իսկապես արել է նման հայտարարություն, սակայն չի համեմատել:
«Ես հիմար չեմ, որ Հիտլերին համեմատեմ՝ ում հետ էլ որ այն լինի»,- նշել է նա:
Քաղաքական գործիչը հավելել է, որ եթե իր խոսքերում իսկապես լիներ սխալ միտք, ապա ինքը ներողություն կխնդրեր ու կընդուներ իր սխալը:
«Մենք իսկապես ցանկանում ենք սերտորեն համագործակցել Ռուսաստանի հետ»,- հայտարարել է Շոյբլեն:
