Իշամեղուները գերմանական Օլդենբուրգ քաղաքի (Ստորին Սաքսոնիա) ոստիկանությանն օգնել են ձերբակալել հանցագործին, որը փորձում էր փախչել:
Օգոստոսի 12-ի առավոտյան իրավապահները եկել են ձերբակալելու և բանտ տեղափոխելու 32-ամյա տղամարդուն, որը բնակվում էր բազմաբնակարան շենքի երկրորդ հարկում: Երբ իրավախախտը տան շեմին նկատել է ոստիկաններին՝ փորձել է փախչել պատշգամբից: Նա վայրէջք է կատարել հենց իշամեղուների բնի վրա, որտեղից դուրս են թռել զայրացած միջատները և սկսել խայթել գերմանացուն: Լսելով բղավոցները, ոստիկանները գտել և բռնել են չարագործին, չնայած այն հանգամանքին, որ իշամեղուները նրանց նույնպես խայթել են, հաղորդում է Presse Portal պարբերականը:
