ԱՄՆ Արիզոնա նահանգում մահացած կնոջ մարմինը վաճառվել է ԱՄՆ բանակին՝ փորձերի համար, հայտնում է Fox8-ը:
Ջիմ Սթոֆերը պատմել է, որ կապ է հաստատել Կենսաբանական ռեսուրսների կենտրոնի հետ իր 73-ամյա մոր մահից հետո, որպեսզի նրա մարմինը հանձնի գիտական հետազոտությունների համար: Տղամարդը պայմանագիր է կնքել կենտրոնի հետ, որտեղ նշվել է, թե ինչ է կարելի և ինչ չի կարելի անել կնոջ մարմնի հետ: Մի քանի օր անց մոր փոշին հանձնել են տղամարդուն:
Սակայն լրագրողները հետաքննություն են անցկացրել և պարզել, որ կնոջ մարմինը վաճառվել է զինվորականներին, այնուհետև պայթեցվել է: Նշվում է, որ դին, իբր, կապված է եղել աթոռին, որի տակ ռումբ է եղել: Նման կերպ զինվորականները պետք է պարզեին, թե ինչ է տեղի ունենում մարդու մարմնի հետ պայթյունի ժամանակ:
Տղամարդը դատի է տվել կազմակերպությանը: Նրա խոսքերով, կազմակերպության հետ կնքված պայմանագրում տեղեկատվություն եղել է պայթուցիկ նյութերի վերաբերյալ, բայց նա արգելել է մոր մարմինն օգտագործել նման փորձեր իրականացնելու համար:
Ավելի վաղ, ՀԴԲ-ն կենսաբանական ռեսուրսների կենտրոնում հայտնաբերել է մարդու մնացորդներով դույլեր, ինչպես նաև տղամարդու մարմին, որին կնոջ գլուխ է կարված եղել: Ընդհանուր առմամբ, 33 մարդ է դատի տվել այդ կազմակերպությանը: Հայցվորներն իրենց հանգուցյալ հարազատների մարմինները հանձնել են կենտրոնին՝ հանուն գիտության, բայց կազմակերպության աշխատակիցները վաճառել են մարմինները և սարսափելի փորձեր են իրականացրել:
