Թերթը գրում է, որ Արարատյան դաշտավայրում ծիրանի բերքահավաք է. «Պտղագործներն ասում են, որ այս տարվա ընդհանուր բերքի միայն 10 տոկոսն է պահպանվել, որն էլ իր որակական հատկանիշներով հարմար է միայն մթերման համար:
Մինչ իշխանական քարոզչամեքենան հայտարարում է, թե այս տարի ջեմի համար նախատեսված 1 կգ-ն կմթերվի 100 դրամով, Արմավիրի մարզի մի շարք համայնքների այգիներից հավաքված ծիրանը մարզի վերամշակվող ձեռնարկությունները գնում են 70 դրամով»:
Ինչպես «Երկիր»-ին հայտնել են Արմավիրի մարզի կարկուտից տուժած համայնքների հողագործները, պետությունից որպես վնասի փոխհատուցում, օգնություն են ստացել մի քանի կգ լոբու, մի քանի տուփ վարունգի եւ գազարի սերմեր. «Սակայն նրանք պետությունից ակնկալում են օգնություն ոչ թե սերմերի տեսքով, այլ ֆինանսական՝ հողի կամ էլ ոռոգման ջրի վարձավճարների փոխհատուցման տեսքով»:
