Reuters գործակալության ֆոտոթղթակից Շենոն Սթեփլթոնը, որն աշխատում է շատ «թեժ կետերում», թույլտվություն է ստացել նկարահանումներ կատարել հանրաճանաչ դարձող նյույորքյան Bold & Naked Yoga ստուդիայում:
Սթեփլթոնը լուսանկարել է «մերկ յոգայի» պարապմունքները` հայտնի մասնագետ Յոշի Շվարցի ղեկավարությամբ:
Պարապմունքներին հաճախող մարդիկ ոչ միայն տվել են իրենց համաձայնությունը, այլ նաև համաձայնել են, որ ցուցադրվեն իրենց դեմքերը և կհրապարակվեն անունները: Մինչև հիմա լրագրողներին չէր հաջողվել նման թույլտվություն ստանալ:
«Խիզախ և մերկ» յոգայի ստուդիան` Յոշի Շվարցի և Մոնիկա Վերների ղեկավարությամբ, Նյու Յորքում բացվել է այս տարի հունվարին: Նրա աշխակերտների թվում են հոլիվուդյան դերասանուհի Էմմա Սթոունը, սուպերմոդել Թայրա Բենքսը և այլ հայտնի անձինք:
Փակ ակումբները և զանգվածային սեկցիաները, որոնցում դասավանդվում են այսպես կոչված «մերկ յոգայի» տարբեր ոճեր, գոյություն ունեն ավելի քան 10 տարի: Հանգստի, ֆիզիկական առողջություն ձեռք բերելու այս մեթոդը գնալով մեծ տարածում է ստանում:
