Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում Արմեն Խաչատրյանի նախագահությամբ սկսվում է Արայիկ Ավետիսյանի գործի դատական քննությունը:
50-ամյա Արայիկ Ավետիսյանը մեղադրվում է անզգույշ սպանության համար՝ ՀՀ քրեական օրենսգրքի 109 հոդվածի 1-ին մասով:
Ըստ մեղադրանքի՝ իրենց շենքի բակում տեղադրված զրուցարանում թղթախաղը սխալ խաղալու համար նա վիճաբանել է 77-ամյա Վաչագանի հետ, քաշքշել ու հրել է վերջինիս:
Արդյունքում Վաչագանը վայր է ընկել: Նրա գլուխը դիպել է զրուցարանի մետաղե կառուցվածքին:
Տուժողը ստացել է գանգուղեղային փակ վնասվածք և գիտակցության չգալով՝ մահացել է: