Հռոմի իշխանություններն արգելել են «botticelle» կառքերին ճանապարհի երթևեկելի հատված դուրս գալ, հաղորդում է «EuroPulse»-ը:
Արգելքն ուժի մեջ կմտնի արդեն 2019 թ.-ին, և զբոսաշրջիկները «botticelle»-ով կարող են զբոսնել միայն այգիներում և պատմական կալվածքներում: Նման միջոցը պետք է պաշտպանի ձիերին ամռան տապից և սթրեսից՝ աշխույժ երթևեկության պատճառով: Բացի այդ, դրանք չեն խանգարի հետիոտներին և վարորդներին:
Նման որոշման ընդունման համար հանդես են եկել և՛ կենդանիների պաշտպանները, և՛ վարորդները: Ավելին, կենդանիների պաշտպանները կարծում են, որ «bottichelle»-ները պետք է ամբողջովին արգելվեն: Նրանց կարծիքով, ձիով զբասանքի համար ավելի հարմար է գյուղական տեղանքը:
Քաղաքային իշխանությունները սատարում են այս տեսակետը, սակայն նշում են, որ արգելքը պետք է աստիճանաբար մտցվի, որպեսզի այդ գործունեությամբ զբաղվաղ անձինք կարողանան այլ բիզնեսով զբաղվել: Այժմ քաղաքապետարանը կառապաններին առաջարկում է տաքսու վարորդի մասնագիտություն ստանալ՝ անվճար: