Ոմանք կարծում են, որ ամեն ինչ կրկնվում է, և ինչպես որ ժամանակին մերժում էին Լ. Տեր- Պետրոսյանին, բայց հետո խնդրում էին, որ վերադառնա և փրկի երկիրը, այնպես էլ մի օր Սերժ Սարգսյանին կխնդրեն վերադառնալ: Գրող, հրապարակախոս Վասակ Դարբինյանն անդրադառնալով այս դիտարկմանը՝ նշեց, որ համեմատությունն անհիմն է և անտրամաբանական և որ բացառված է Սերժ Սարգսյանի պարագայում տեղի ունենա նույնը: Նրա խոսքով՝ Լ. Տեր-Պետրոսյանը և Ս. Սարգսյանը անհամեմատելի, տարբեր մակարդակի գործիչներ են:
Վ. Դարբինյանի դիտարկմամբ՝ ծիծաղելի է և զավեշտի նյութ դարձավ Ռազմիկ Ամյանի՝ Ս. Սարգսյանին ձոնված երգը:
«Ցանկացած հեղափոխություն կարող է վերածվել չարիքի, եթե նախևառաջ տեղի չի ունենում ճաշակի, մշակույթի, կրթության հեղափոխություն և հասարակության որակը չի փոխվում՝ սկսած կենցաղավարությունից,- նշեց Վ. Դարբինյանը:
Մեր զրուցակիցը նշեց, որ լավ կլիներ, եթե իշխանության երիտասարդ ներկայացուցիչները կարողանային իրենց գրեթե 24-ժամյա աշխատանքային օրվա ընթացքում ուսումնասիրել նաև անցյալը՝ անկախ Հայաստանի առաջին ամենադժվար օրերից մինչև տարբեր փուլերի շրջապտույտը՝ 1088, 1998, 2008, 2018, լավ ուսումնասիրել և փորձել չկրկնել անցյալի սխալները:
Անդրադառնալով դիտարկմանը, որ իշխանությունը փորձում է «մաքրել» անցյալը, և որ փորձագետների դիտարկմամբ՝ Մարտի 1-ի գործը նոր իշխանության քննությունն է, Վ. Դարբինյանը նշեց. «Այս հեղափոխությունը եթե գոնե այդ խնդիրը չլուծի և Մարտի 1-ի ոճրագործները՝ իրենց պարագլխի գլխավորությամբ պատասխանատվություն չկրեն, ուրեմն հեղափոխությունը կարող է համարվել ձախողված»:
Անդրադառնալով Ռ. Քոչարյանի հայտարարությանը, որ պատրաստվում է ընդդիմադիր բևեռ դառնալ, մեր զրուցակիցն ընդգծեց, որ նրա շուրջը հավաքվածները պատեհապաշտներ են. «Ինչպե՞ս կարելի է պաշտպանել մի մարդու, որն այսքան ավերածություններ ու աղետներ, այսքան հանցագործություններ ու կողոպուտ է բերել Հայաստան աշխարհի գլխին… Նրա օրոք սպանություններ են տեղի ունեցել, ժողովուրդը նսեմացած էր, վախեցած… Անդրադառնալով դիտարկմանը, որ Քոչարյանը հայտարարել է, թե երբեք չի միջամտել արդարադատությանը, Դարբինյանը նշեց. «…Քոչարյանը սպառնացել է դատավորին, որ նրա որդին ավտովթարից կզոհվի, եթե Վանոյին չկալանավորի… Սա անկողմնակլությա՞ն ապացույց է»:
Մանրամասն՝ տեսանյութում:
