Ռուսաստանում սկսվում է C-500 զենիթային հրթիռային համակարգերի արտադրությունը, որոնք շուտով կհայտնվեն բանակի զինանոցում: Այս մասին հայտարարել է «Ռոստեխ» պետական կորպորացիայի ղեկավար Սերգեյ Չեմեզովը Ռուսաստանի «Ռոսիյա-1» ալիքի «Գործող անձինք Նաիլիա Ասկեր-Զադեի հետ» ծրագրում, հաղորդում է ՏԱՍՍ-ը:
«Ռոստեխ»-ի ղեկավարի խոսքերով, նորագույն համալիրները բանակին կմատակարարվեն փորձարկումից հետո, այսինքն, «մոտ ապագայում»:
Նա այլ մանրամասներ չի հաղորդել նոր ՀՕՊ համակարգի մասին՝ նշելով միայն, որ այն տարբերվում է C-400-ից:
Ըստ առկա տվյալների, C-500 «Պրոմեթեյ» ՀՕՊ համակարգն առանձնանում է 600 կիլոմետրանոց ոչնչացման շառավղով, ի վիճակի է հայտնաբերել և միաժամանակ խոցել մինչև 7 կմ/վրկ արագությամբ տեղաշարժվող մինչև 10 բալիստիկ թիրախներ և ի վիճակի է որսալ հիպերձայնային արագությամբ ռազմական բլոկները: