ԱՄՆ նախագահ Դոնալդ Թրամփը կատակել է, որ G20-ի գագաթնաժողովում ռուսաստանցի պաշտոնակցի՝ Վլադիմիր Պուտինի հետ հանդիպման իրադրությունը նման է «Օսկար» մրցանակի հանձնման արարողությանը:
Ինչպես հաղորդել է ՌԻԱ Նովոստին, ամերիկյան և ռուսական զանգվածային լրատվամիջոցների ներկայացուցիչները անմիջականորեն այն սենյակում, որտեղ ընթանում Էին բանակցությունները, ուղիղ հեռարձակում էին վարում ամեն տեսակ գաջեթներով: Դրանց ձայների գվվոցը խլացնում էր իրենց իսկ նախագահների խոսքը: Երկու ղեկավարների ներածական խոսքից թե՛ առաջ և թե՛ հետո լրագրողները գոչում էին հարցեր, իսկ արարողական նկարահանման ավարտից հետո երկար ժամանակ հրաժարվում էին հեռանալ բանակցությունների սենյակից՝ չնայած պատվիրակությունների խնդրանքներին:
«Ասես (ԱՄՆ-ի կինեմատոգրաֆիական արվեստների) Ակադեմիայի մրցանակաբաշխությունը լինի»,- ասել է Թրամփը՝ դիմելով Պուտինին:
