Քուինսլենդի համալսարանի գիտնականները մշակել են դեղամիջոց, որը հայտնի ցավազրկող միջոցների շարքում հզորներից մեկն է, ընդ որում՝ դրա կիրառումը որևէ կախվածություն և կողմնակի ազդեցություններ չի առաջացնում: Այս մասին հայտնում է ITAR-TASS-ը:
Ինչպես հայտնել է բացահայտման հեղինակներից մեկը՝ պրոֆեսոր Դևիդ Կրեյկը, նոր դեղամիջոցի հիմք է հանդիսացել Ավստրալիայի ափամերձ ջրերում ապրող գիշատիչ խխունջների թույնը, որով նրանք կաթվածահար են անում իրենց զոհերին:
Նոր դեղամիջոցը փորձարկվել է առնետների վրա: Փորձարկման արդյունքները գերազանցել են գիտնականների ամենահամարձակ սպասումները: Դրա ցավազրկող ազդեցությունը մոտ 100 անգամ ավելի է, քան մորֆիինը:
