G20 գագաթնաժողովում համաշխարհային առաջնորդների հանդիպումից երկու օր առաջ ճապոնական Օսակայում միասին շրջել են Կիմ Չեն Ընն ու Դոնալդ Թրամփը և համտեսել տեղական նրբահամ խորտիկները: Միացյալ Նահանգների և Հյուսիսային Կորեայի առաջնորդների նմանակներն անմիջապես գրավել են անցորդների ուշադրությունը: Նրանք պատրաստակամորեն սելֆի են արել ցանկացողների հետ:
Ամերիկայի իրական նախագահը գագաթաժողովին պատրաստվում է միանալ հունիսի 28-ին: Կիմ Չեն Ընին Ճապոնիայում ընդհանրապես չեն սպասում: Հյուսիսային Կորեան ընդգրկված չէ «Մեծ քսանյակի» կազմում:
Օսակայում արդեն խստացվել են անվտանգության միջոցառումները: G20 գագաթնաժողովի շեմին սահմանափակել են ավտոբուսների շարժը: Կայարաններում և մետրոյում, հակաահաբեկչական միջոցառումներից ելնելով, արգելվել է օգտվել աղբամաններից և իրերի ժամանակավոր պահեստարաններից:
G20 գագաթնաժողովը տեղի կունենա հունիսի 28-29-ը Սակիսիմա արհեստական կղզում, Օսակա ծովածոցում: Սա պատմության մեջ թվով 14-րդն է և առաջինը, որը կազմակերպվում է Ճապոնիայում: Գագաթնաժողովը կլուսաբանեն մոտ յոթ հազար լրագրողներ: