«Georgian Airways» ավիաընկերությունը հայտարարություն է տարածել կապված ռուսաստանյան իշխանությունների սահմանած՝ դեպի Վրաստան չվերթների արգելքների հետ։ Ինչպես գիտեք, պատժամիջոցները կկիրառվեն այս տարվա հուլիսի 8-ից, գրում է apsny.ge-ն:
Ինչպես հայտնի է, այս տարվա հուլիսի 8-ից ռուսական ավիաընկերություններին արգելվել է Ռուսաստանի Դաշնությունից դեպի Վրաստան չվերթները: Ռուսաստանի տրանսպորտի նախարարության տվյալներով՝ արգելքն ազդում է նաև վրացական ավիաընկերությունների վրա:
Եթե արգելքը գործի հուլիսի 8-ից, «Վրացական ավիաուղիները» իր ուղևորներին կառաջարկի Թբիլիսի-Երևան-Մոսկվա տրանզիտ չվերթը»,- ասել է ընկերությունը:
Georgian Airways- ը նաև նշում է, որ ընկերությունը Ռուսաստանին պարտքեր չունի:
«Տարիներ առաջ պարտք կար, բայց դա արդեն սնանկացած ընկերությունների պատքերն էին։ Հիշում եմ, գումարը մոտ 3 միլիոն դոլար էր: Այդ տարիներին իշխանությունները մեզ ասացին, որ եթե մենք մարենք պարտքի մի մասը, «Վրացական ավիաուղիներ»-ը միակ վրացական ավիաընկերությունը կլինի, որը դեպի Ռուսաստան չվերթի իրավունք կունենա: Մեր ընկերությունը 2 մլն դոլար վճարեց »,- ասում է Georgian Airways ընկերության հիմնադիր Թամազ Գայաշվիլին:
