Այսօր՝ հունիսի 21-ին, հրավիրվել է Ազգային ժողովի արտահերթ նիստ: Այժմ քննարկվում է Բարձրագույն դատական խորհրդի անդամի ընտրության հարցը: «Իմ քայլը» խմբակցությունը ԲԴԽ անդամի թեկնածու է առաջադրել Վիգեն Քոչարյանին:
«Պարոն Քոչարյան, Դուք Ձեզ համարում եք ղազինյանակա՞ն, թե դավիթհարությունյանական դպրոցի ներկայացուցիչ. այդ մարդիկ դեմ են դատաիրավական համակարգը փոխելու այն ջանքերին, որոնք վերջին շաբաթներին ազդարարվել են ամենաբարձր մակարդակով, այդ թվում նաև անցումային արդարադատության և որպես դրա գործիք՝ վեթինգի վերաբերյալ: Ո՞րն է Ձեր դիրքորոշումը այդ մարդկանց տեսակետի առնչությամբ»,- թեկնածուին հարցրեց «Լուսավոր Հայաստան» խմբակցության պատգամավոր Արման Բաբաջանյանը:
Պատգամավորը Վիգեն Քոչարյանին խնդրեց նկարագրել՝ որն է այսօրվա դատական համակարգի ամենահիվանդ հատվածը, և որոնք են պատճառները. «Արդյոք հնարավո՞ր էր միայն ճնշելով՝ դատական իշխանությունը հասցնել այսպիսի վիճակի, երբ հանրության կողմից տոտալ անվստահություն կա այդ իշխանության նկատմամբ: Ինչպե՞ս եք Դուք անձամբ պատրաստվում այդ վիրահատական գործողություններին մասնակցել»:
«Հաշվի առնելով միջազգային կառույցներում Ձեր փորձը՝ կուզեի իմանալ նաև, թե ինչ եք հասցրել ուսումնասիրել վեթինգի վերաբերյալ»,- հարցրեց պատգամավորը:
Մանրամասները՝ տեսանյութում:
