Ամերիկացի բլոգեր և երաժիշտ Էլեյջա Դենիելը գնել է Հելլ քաղաքի քաղաքապետի պաշտոնը (Hell, անգլերենից թարգմանված `« դժոխք »), այնուհետև այն վերանվանել է Gay Hell (Gay Hell): Այդ մասին նա գրել է Twitter-ում:
Դենիելը բացատրել է, որ իր ձեռքբերումը քայլ է ԱՄՆ նախագահ Դոնալդ Թրամփի վարչակազմի որոշման դեմ, որը արգելել է դեսպանատների վրա ԼԳԲՏ համայնքի դրոշները բարձրացնել: Բլոգերը «նշանակումից» անմիջապես հետո հրամայել է վերանվանել քաղաքը և թույլ տալ այնտեղ միայն ծիածանագույն դրոշներ:
Livinston Daily տեղական լրատվամիջոցի համաձայն՝ բլոգերը երեք օրվա ընթացքում քաղաքապետ է դարձել՝ վճարելով ընդամենը 300 դոլար: Հելլը անվան պատճառով հայտնի վայր է զբոսաշրջիկների շրջանում: Բացի այդ, բլոգերը առաջին անգամ չէ, որ քաղաքապետ է դառնում: 2017 թվականին նա ժամանակավորապես դարձել է քաղաքապետ ևւ արգելել է բոլոր հեթերոսեքսուալների մուտքը քաղաք:
Ըստ հողատարածքի սեփականատիրոջ Ջոն Կոլոնի՝ ինքը ողջունում է Հելլի մասին ցանկացած լուսաբանում: Միևնույն ժամանակ, նա զարմացած է, որ Facebook-ի բազմաթիվ օգտատերեր քննադատում են նրան այդ քայլը կատարելու համար:
