Ստոկհոլմի Կարոլինյան ինստիտուտի շվեդ գիտնականների նոր տվյալները հակասում են դոնոր-կանանց, հատկապես եթե այդ կանայք նախկինում հղի են եղել, արյան օգտագործման անցանկալիության մասին վարկածին:
Երկար ժամանակ մասնագետները կարծում էին, որ կին-դոնորների արյունն ավելի վտանգավոր է, քան տղամարդկանցը: Միացյալ Նահանգների, Շվեդիայի և Դանիայի միլիոնավոր հիվանդների տվյալների վերլուծությունը դարձել է այսօրվա դրությամբ ամենախոշոր ուսումնասիրության հիմքը և վերջակետ դրել այս հարցում:
Գիտական աշխատանքից արված եզրահանգումը հետևյալն է. «Հետազոտության մեջ ներառված երեք խմբերում (34662, 93724 և 918996 մարդ) ոչ մի ակնհայտ կապ չի արձանագրվել կին-դոնորների արյան փոխներարկման և մահացության բարձր մակարդակի միջև»:
Համարվում է, որ հենց կին-դոնորի արյան պլազմայի փոխներարկման ժամանակ, այսինքն, առանց բջիջների արյան, ավելի հաճախ են վնասվում թոքերը: Որպես պատճառ նշվել է հակամարմինների առկայությունը. դրանց հետ են կապվել առաջացող լուրջ իմունոլոգիական ռեակցիաները:
Փաստն այն է, որ հղիության ժամանակ մարմնի կողմից արտադրվում են հակամարմիններ, և որքան շատ լինեն հղիությունները, այնքան մեծ է կնոջ օրգանիզմում դրանց առկայության հավանականությունը: Դրա համար խորհուրդ է տրվում չօգտագործել կին-դոնորի արյունը, դրա մեջ ռիսկ տեսնելով հիվանդի համար, հատկապես տղամարդ հիվանդների դեպքում:
Այսօր այս վտանգը ավելի շուտ տեսական, քան թե գործնական իմաստ ունի:
Գիտնականների կարծիքով, ոչ տարիքը, ոչ սեռը, ոչ էլ արյան դոնորի նախորդ հղիությունները, ըստ վիճակագրական վերլուծության, կապված չեն մահացության մակարդակի աճի հետ հետ:
