Բիթքոինի աճի ֆոնին քչերն են խոսում աշխարհի խոշորագույն կրիպտոարժույթի հիմնախնդրի մասին. այն շատ քչերն են օգտագործում և հիմնականում սպեկուլյատիվ գործառնությունների համար, գրում է Bloomberg-ը:
Նյույորքյան Chainalysis Inc-ի տվյալներով, 2019-ի առաջին եռամսյակի ֆինանսական տրանզակցիաների միայն 1.3%-ը բաժին է ընկնում բիթքոինին:
«Բիթքոինի տնտեսական ակտիվությունը շարունակում է գերիշխել բորսային առևտրի ոլորտում»,- նշել է Chainalysis-ի ավագ տնտեսագետ Քիմ Գրաուերը:
Գործակալությունը նշում է, որ բիթքոինը «աղմուկի» կարիք ունի՝ տարածված դառնալու և դրամին կենսունակ թվային այլընտրանք համարվելու համար:
Սակայն, կրիպտոարժույթի սեփականատերերի մոտ կարծիք է տարածվել, որ ավելի լավ է բիթքոինը կուտակել, քան ծախսել:
