Ավիաընկերությունը Say yes to Europe նախաձեռնության շրջանակներում բոլոր եվրոպացիներին կոչ է անում «այո» ասել Եվրոպային և մասնակցել Եվրախորհրդարանի ընտրություններին:
Գերմանական Lufthansa ավիաընկերությունը իր ինքնաթիռներից մեկը՝ Airbus A320-ը, վերաներկել է հատուկ լիվրեով՝ Եվրախորհրդարանի ընտրություններում ներկայությունը բարձրացնելու նպատակով: Ընտրությունները կանցկացվեն մայիսի 23-26-ը՝ հաղորդում է avianews.com-ը:
Say yes to Europe (Ասա «այո» Եվրոպային) մեծ գրությունը տեղակայված է ինքնաթիռի ֆյուզելյաժի վրա, որտեղ սովորաբար գրվում է ավիաընկերության անվանումը: Գրության կողքին ծածանվում է Եվրամիության մեծ դրոշը:
«Այժմ, քան երբեք, կանգնած է դիրքորոշում գրավելու անհրաժեշտության, պատասխանատվությունը ստանձնելու և ազատ ու միացյալ մայրցամաքի գաղափարը ամրապնդելու հարցը»,- հայտարարել է Lufthansa-ի ղեկավար Քարսթեն Շպորը:
Նրա խոսքով՝ Say yes to Europe նախաձեռնությամբ ավիափոխադրողը բոլոր եվրոպացիներին կոչ է անում «այո» ասել Եվրոպային և մասնակցություն ունենալ Եվրախորհրդարանի ընտրություններին:
Միացյալ Եվրոպայի գաղափարն առաջ մղելու համար Lufthansa-ն մտադիր է նաև իր բոլոր ինքնաթիռների վրա ավելացնել Եվրամիության դրոշը: Ավելի վաղ գերմանական ավիափոխադրողի ինքնաթիռների վրա միայն Գերմանիայի դրոշն էր:
