Ճապոնիայի Սեկի քաղաքում վաճառքի են հանվել ապրիլի 30-ին ավարտվող Հեյսեյի (Խաղաղության հաստատում) դարաշրջանի օդով լի պահածոներ՝ գրում է tass.ru-ն։
Տեղացի գործարարները պնդում են, որ հատուկ իրավունք են ձեռք բերել օդի վաճառքով զբաղվելու համար։ Բանն այն է, որ քաղաքի թաղամասերից մեկի անունը գրվում է նույն երկու տառով, ինչ «Հեյսեյ» բառը, որով անվանվել է Ճապոնիայի ներկայիս կայսեր Ակիհիտոյի կառավարման դարաշրջանը։
Բացի օդից, պահածոյի տուփի մեջ կա նաև Հեյսեյի դարաշրջանում հատված հինգ իենանոց մետաղադրամ։ Հուշանվերը կարելի է ձեռք բերել 1088 իենով։
Ճապոնիայում գործում են ժամանակագրական երկու համակարգեր`միջազգային և տեղական՝ ըստ կայսերական իշխանության տարիների: Այժմ երկրում միաժամանակ հանդիսանում է 2019 թվականը և Հեյսելի շրջանի 31-րդ տարին է, որը սկսվել է 1989 թվականին: Ապրիլի 30-ին կայսր Ակիհիտոն կհրաժարվի գահից, անմիջապես հաջորդ օրը նրան կփոխարինի 59-ամյա ավագ որդին՝ Նարուհիտոն։
