ԱՄՆ Հյուսիսային Կարոլինա նահանգում հայտնաբերվել է միլիոնավոր տարիներ առաջ վերացած մեգալոդոն շնաձկան ժանիքը՝ տեղեկացնում է UPI-ը։
Տեղեկությունների համաձայն՝ ապրիլի 15-ին Էվերի Ֆոսը ընտանիքի հետ զբոսնելիս է եղել Օնսլոու շրջանի լողափում և նկատել է անսովոր իր։ «Ես շուրջբոլորս էի նայում և հանկարծ ավազի մեջ խրված ինչ-որ բան նկատեցի։ Ես սկսեցի փորել և պարզվեց, որ դա մեծ ատամ է։ Ես այն բարձրացրի և ցույց տվեցի մայրիկիս»,- հիշում է աղջիկը։
Մեգալոդոնը Otodontidae ընտանիքին պատկանող վերացած շնաձկան տեսակ է, որ համարվում է մոլորակի պատմության մեջ խոշորագույն շնաձուկը։
