ՀՀ ազգային ժողովի ընդդիմադիր «Լուսավոր Հայաստան» խմբակցության ղեկավար Էդմոն Մարուքյանը կարծիքով` ԵԽԽՎ նիստում ՀՀ վարչապետ Նիկոլ Փաշինյանը, կառույցի դերն իր քաղաքական կենսագրության մեջ ներկայացնելով, շատ կարևոր ուղերձ է հղել ԵԽԽՎ-ին: Մարուքյանն այս մասին խոսեց ՀՀ ԱԺ-ում հայաստանյան պատվիրակության անդամների հրավիրած ասուլիսում:
«Չի կարելի վարչապետի ելույթը երկրի նախկին ղեկավարների ելույթների հետ համեմատել, որովհետև Նիկոլ Փաշինյանը ներկայացրեց Եվրոպայի խորհրդի դերը իր քաղաքական կենսագրության մեջ: Այսօր Եվրոպայի խորհուրդը, ԵԽԽՎ-ն՝ լինելով ճգնաժամի մեջ, երկու կարևոր ուղերձ ստացավ, որ այդ կառույցը կարողացել է այնպես անել, որ քաղաքական գործչին չկալանավորեն և ազատ արձակեն: Դա կարևոր ուղերձ է այն մասին, որ կառույցը շատ հարցերում` մարդու իրավունքների, հիմնարար ազատությունների հետ կապված հարցերում միակ հույսն է հետխորհրդային երկրներում, որոնք անդամ պետություն են հանդիսանում»,-ասաց Մարուքյանը:
Նա նկատեց, որ այդ ամբիոնից երկրների առաջնորդները խոսում են իրականացված բարեփոխումների մասին, և Փաշինյանը խոսեց այն մասին, թե հեղափոխությունն ինչպես է եղել: «Եվ քանի որ բարեփոխումների մեծ փուլ չենք անցել, դեռ չէր կարող մանրամասն ներկայացնել, թե օրինակ դատական բարեփոխումներն ինչպես կատարվեցին: Հաջորդ ելույթի ժամանակ պետք է որ դրա մասին խոսի, եթե կատարած լինեինք»,-նշեց Մարուքյանը:
Նա շատ լավ գնահատեց վարչապետի ելույթի` Ղարաբաղին վերաբերող հատված, հարցուպատասխանի հատվածը ևս: Մարուքյանը որևէ բացասական բան չի նկատել է, որ Հայաստանից, Հայաստանի առաջնորդներից շատ բարձր սպասումներ կա:
Եվրոպայի խորհրդի խորհրդարանական վեհաժողովի գարնանային նստաշրջանն անցկացվել է ապրիլի 9-12-ը Ստրասբուրգում: Ապրիլի 11-ին ելույթ է ունեցել նաև ՀՀ վարչապետ Նիկոլ Փաշինյանը` անդրադառնալով ինչպես երկրում տեղի ունեցած փոփոխություններին, այնպես էլ Ղարաբաղյան հակամարտության խնդրին, պատասխանել է հարցերի:
