Թուրքիայում հայտնաբերել են պղնձե ձուլակտորներով լցված հին նավ

Թուրքիայում՝ Անթալիայի ափերին ստորջրյա հնագետները հայտնաբերել են առևտրային նավ, որը լցված է եղել պղնձե ձուլակտորներով՝ տեղեկացնում է Anadolu-ն։

Ինչպես նշվում է՝ այդ նավը խորտակվել է դեռևս 3600 տարի առաջ։ Հնագետների խոսքով՝ այն խորտակվել է մոտավորապես մ․թ․ա․ 1600թ․։ Նավի երկարությունը 14 մետր է, իսկ դրա վրա գտնվել է 1,5 տոննա պղնձե ձուլակտորներ։

Հնագետները հավելել են, որ այս բացահայտումը մեծ արժեք է, քանի որ նավով տեղափոխվել են աշխարհի առաջին արդյունաբերական արտադրանքները։