New Yorker-ի լրագրող Էվան Օսնոսը հանկարծ պարզել է, որ իր Apple iPad-ը արգելափակվել է մոտակա 48 տարիների ընթացքում: Դա տեղի է ունեցել այն բանից հետո, երբ տղամարդը իր 3 տարեկան երեխային մենակ է թողել սարքի հետ՝ հայտնել է նա Twitter- ում։
Օսնոսը դիմել է բաժանորդներին խորհրդատվության համար: «Ահա, սա ֆեյքի է նման, բայց այսպիսի տեսք ունի այսօր մեր iPad-ը այն բանից հետո, երբ այն (շատ անգամներ) փորձել է բացել 3 տարեկան երեխան։ Կա՞ն գաղափարներ»,-գրել է նա։ Լրագրողը լուսանկար է հրապարակել, որտեղ նշվում է, որ iPad-ն արգելափակված է և հասանելի կլինի միայն 25.536.442 րոպե հետո։
Շատերը փորձեցին լրագրողին հուշել, թե ինչպես լուծի խնդիրը։ Ամենից հաճախ հիշատակվում էր օպերացիոն համակարգի վերաթողարկման անհրաժեշտությունը պլանշետի վրա և տվյալների կրկնօրինակման բազայից դրանց վերականգնումը։ Բայց ոմանք էլ խորհուրդ են տվել ոչինչ չանել և սպասել 48 տարի։ Օգտատերերից մեկը կատակել է, որ այդ կերպ հայրը հիանալի նվեր կունենա որդու 52-ամյակին։
