«Վրիժառուները. եզրափակիչ» բլոկբաստերում սարդ-մարդու դերակատար Թոմ Հոլանդին չի թույլատրվել կարդալ նոր ֆիլմի սցենարը:
Ինչպես հաղորդում է ІndieWire-ը, ֆիլմի ռեժիսորները դա արել են, որպեսզի դերասանը նոր ժապավենի կարևոր մանրամասների մասին չբացահայտի մինչև դրա թողարկումը:
Նշվում է, որ Հոլանդը իմացել է միայն իր տեքստը և տեսարանի ընդհանուր նկարագրությունը, որում ներգրավված է եղել նրա հերոսը՝ Փիթեր Փարքերը:
Դերասանը բազմիցս ապացուցել է, որ «չի կարողանում բերանը փակ պահել»: Մասնավորապես, 2018-ին «Վրիժառուները. անվերջության պատերազմ» ֆիլմի գովազդային արշավի ժամանակ: Թոմ Հոլանդը ֆիլմի պրեմիերայից առաջ բացահայտել է ֆիլմի կարևոր պահերը, ինչպես նաև այն, որ իր հերոսը մահանում է:
«Վրիժառուների» թրեյլերները դարձել են ամենադիտվածը կինոյի պատմության մեջ: