Ինչպես արդեն տեղեկացրել էինք՝ վարչապետ Նիկոլ Փաշինյանը մարտի 28-29-ին աշխատանքային այցով կմեկնի Ավստրիայի Հանրապետություն:
ԵԱՀԿ Մինսկի խմբի համանախագահ երկրների նախաձեռնությամբ Վիեննայում տեղի կունենա Նիկոլ Փաշինյանի հանդիպումն Ադրբեջանի նախագահ Իլհամ Ալիևի հետ:
Այցի շրջանակում Նիկոլ Փաշինյանը հանդիպում կունենա նաև Ավստրիայի կանցլեր Սեբաստիան Կուրցի և նախագահ Ալեքսանդր Վան Դեր Բելենի հետ:
Նախատեսված է նաև վարչապետի հանդիպումը տեղի համայնքի ներկայացուցիչների հետ:
Թեմայի շուրջ «Առաջին լրատվական»-ը զրուցել է ԵՄԱ նախագահ, քաղաքական վերլուծաբան Բորիս Նավասարդյանի և «Իմ քայլը» խմբակցության պատգամավոր Սոս Ավետիսյանի հետ:
«Անկախ նրանից ինչպիսին կլինի Ադրբեջանի վերաբերմունքը Նիկոլ Փաշինյանը շեշտադրելու է ԼՂ մասնակցությունը բանակցային գործընթացում և բերելու է փաստարկներ: Միջնորդները շահագրգռված են առաջ քաշել մադրիդյան սկզբունքներ, բայց պետք չէ դրանից խուսափել, քանի որ այնտեղ կա շատ կարևոր մի դրույթ:Արցախը պետք է մասնակցի իր ճակատագրի որոշմանը»,-նշեց Բորիս Նավասարդյանը՝ հավելելով, որ Փաշինյան-Ալիև առաջիկա հանդիպումից ակնկալել հստակ օրակարգ դժվար է:
Իսկ հարցին, թե այդ դեպքում Բաքուն ինչպես կլցնի օրակարգը, Սոս Ավետիսյանը նկատեց, որ Մինսկի խմբի համանախագներին նախ պետք է պարզ բացատրել սեղծված իրավիճակը: