Գիտնականները Չիլիի ափամերձ ջրերում գիշատիչ կետերի նոր տեսակ են հայտնաբերել

Գիտնականների մի խումբ Չիլիի ափերի մոտ նախկինում անհայտ կետերի տեսակ է հայտնաբերել՝ տեղեկացնում է usa.one-ը։

Մի քանի տարի շարունակ այդ տեսակի գոյության մասին լուրերը պտտվում էին նավաստիների շրջանում, սակայն մասնագետները ոչ մի կերպ չէին կարողանում տեսնել այդ կաթնասուններին։ Օրերս գիտնականները նկատել են մի քանի կետերի, որոնց արտաքին տեսքը խիստ տարբերվում է գիտությանը հայտնի կենդանիներից։

Ծովային կենսաբան Ռոբերտ Փիթմանի խոսքով՝ ինքը իր գործընկերների հետ միանգամից հասկացել է, որ դրանք հենց այդ եզակի տեսակներն են։ Գիշատիչ կետերի այս նոր տեսակը մյուսներից տարբերվում է գլխի շրջանաձև տեսքով, սուր լողաթևերով և աչքերի մոտ փոքրիկ սպիտակ կետիկներով։