Մեծ Բրիտանիայում դատապարտել են Ռումինիայի քաղաքացու, որը քանդել է իր կառուցած տները աշխատավարձի շուրջ ծագած տարաձայնությունների պատճառով: Այս մասին հաղորդում է Lenta.ru- ն, հղում անելով BBC News-ին:
Միջադեպը տեղի է ունեցել 2018-ի օգոստոսին Մեծ Բրիտանիայի Բանտինգֆորդ քաղաքում, Հարտֆորդշիր կոմսությունում: 30-ամյա Դանիել Նիգուն էքսկավատորները մոտեցրել է նորակառույց տներին և շերեփներով ոչնչացրել դրանցից հինգը:
Ականատեսների խոսքերով, գործողության ընթացքում նա գոհունակությամբ ծիծաղել է և լուսանկարել: Վնասը կազմել է մոտ մեկ միլիոն ֆունտ ստեռլինգ:
Տղամարդը պնդել է, որ քանդելու է միայն այն տները, որոնք ինքն է կառուցել: Դատավարության ժամանակ նա բացատրել է, որ Fentons ընկերությունը, որը եղել է նրա ենթակապալառուն, իրեն և իր թիմին չի վճարել 16 հազար ֆունտ ստեռլինգ: Fentons-ի ներկայացուցիչը ուշացումը բացատրել է այն փաստով, որ ընկերության մեքենաներից մեկը ինչ-որ կերպ հայտնվել է Ռումինիայում: Նիգուն պատասխանել է, որ կվերադարձնի այն գումարը ստանալուց հետո:
Դատավորը Նիգուի գործողությունները «խայտառակ վանդալիզմ» և «իսկական վրեժխնդրություն» է անվանել և Նիգուին դատապարտել 4 տարվա ազատազրկման:
