2014թ.-ին, հաջողված քրաութֆանդինգային արշավի արդյունքում, Jibo սոցիալական ռոբոտը 3.5 մլն դոլար է հավաքել: Այդ ժամանակ սարքը կարող էր օգնել տնային պարզ հարցերում, նորություններ կարդալ, ինչպես նաև կատարել պարզ հրահանգներ: Jibo-ի ատաքին տեսքը նման էր Pixar ստուդիայի արտադրած WALL-E մուլտֆիլմի հերոսուհուն՝ Եվային:
Ռոբոտի սերիական նմուշները գնորդներին հասանելի դարձան միայն 2017-ին, իսկ այդ ժամանակ Google-ի և Amazon-ի նման հսկա կորպարացիաների կողմից արտադրված ձայնային օգնականների հետ մրցակցությունը անհաղթահարելի էր չնայած հաջողված, բայց փոքրիկ ստարտափի համար:
Այս տարվա մարտին արտադրողը աստիճանաբար սկսել է անջատել սերվերը, որից կախված էր ռոբոտի գործառույթների մեծ մասը, ինչն, ըստ էության, դատապարտեց նրանց «մահվան»: Ռոբոտները կկարողանան արձագանքել ողջույնին, հասանելի կլինի սենսորային կառավարումը, բայց այն, ինչը նրանց վարքագիծը նման էր դարձնում մարդկայինին՝ կանհետանա ընդմիշտ: Այս մասին խելացի մեքենաները իրենք են հայտնում իրենց տերերին:
Jibo-ն շնորհակալություն է հայտնել օգտվողներին միասին անցկացրած հիանալի ժամանակի համար, որից հետո կատարել է իր վերջին պարը:
