Ռեժիսոր Ալեխանդրո Գոնսալես Ինյարիտուն կդառնա Կաննի 72-րդ կինոփառատոնի ժյուրիի նախագահը: Այս մասին, ասվում է մամուլի տեղեկագրում, որը փետրվարի 27-ին տարածել Է փառատոնի կազմկոմիտեն:
«Իմ կարիերայի սկզբից ի վեր Կաննի փառատոնն ինձ համար շատ կարեւոր Է եղել: Ես շատ շոյված եւ ուրախ եմ այս տարի այստեղ վերադառնալու համար եւ անսահմանորեն հպարտ եմ ժյուրին նախագահելու համար»,-մամուլի տեղեկագրում մեջբերված Է ռեժիսորի խոսքը, ով հավելել Է, որ «կինոն մոլորակի երակներն Է, իսկ այս փառատոնը՝ սիրտը»:
2019-ին Կաննի կինոփառատոնը կանցկացվի մայիսի 14-ից մինչեւ 25-ը: Ալեխանդրո Գոնսալես Ինյարիտուն մեքսիկացի ռեժիսոր Է, սցենարիստ եւ պրոդյուսեր: Նա դարձել Է առաջին մեքսիկացին, որը մրցանակի Է արժանացել Կաննի փառատոնի (2006 թ.) «Լավագույն ռեժիսոր» անվանակարգում, եւ առաջին մեքսիկացին, որը համանման կատեգորիայում անվանակարգվել Է «Օսկար»-ի (2007 թ.). երկու դեպքում Էլ «Բաբելոն» ֆիլմի (2006 թ.) համար: Երկու «Օսկար»-ների դափնեկիր Է (2015, 2016 թթ.) որպես լավագույն ռեժիսոր՝ «Բերդմեն» (2014 թ.) եւ «Փրկվածը» (2015 թ.) կինոնկարների համար: Նաեւ «Փրկվածը» ֆիլմում ռեժիսորական աշխատանքի համար ստացել Է «Ոսկե գլոբուս» (2016 թ.) եւ Դեւիդ Լինչի մրցանակ, որը շնորհվել Է Բրիտանական կինոակադեմիայի կողմից (2016 թ.)։
