Հասարակության մեջ օր օրի կուսակցությունների նկատմամբ աճում է դժգոհությունը: «Առաջին լրատվական»-ի այն հարցին, թե հավատո՞ւմ եք կուսակցություններին, մեր հարցված համաքաղաքացիներից գրեթե բոլորը պատասխանեցին՝ ոչ: Նրանց մի մասը նշեց, որ ինքը քաղաքականությամբ չի զբաղվում, սակայն հստակ տեսնում է, որ երկրին փոփոխություն է պետք. «Կուզենայի ուղղակի մարդկանց վիճակը փոխվի և վերջ, կուզենայի փոխվի, մի բան պիտի փոխվի»:
Մեկ այլ քաղաքացի նշեց, որ մենք քաղաքականություն չունենք, երբ կունենանք զարգացած քաղաքացիական հասարակություն, այդ ժամանակ կուսակցությունները կդառնան ժողովրդի համապատասխան հատվածը ներկայացնող քաղաքական միավորներ. «Կարծում եմ, որ մենք ավանդական ընդդիմություն չունենք»:
Մի տարեց կին մեր հարցմանը չցանկացավ պատասխանել, փոխարենը պատասխանեց նրա 7-ամյա թոռնիկը՝ ասելով, որ ինքը փոփոխություններ կցանկանար: «Սերժ Սարգսյանից են բողոքում, ամեն ինչից բողոքում են»,- նշեց փոքրիկը:
Մանրամասները դիտեք տեսանյութում:
