Ծնվել է փոքրիկ կրիա ալբինոս՝ բաբախող սիրտը կրծքավանդակի վրա։ Փոքրիկը մարտահրավեր է նետել բնությանը և պայքարում է իր կյանքի համար։ Չնայած այդ արատին՝ նա մեծանում է, ինչպես իր ցեղակիցները, թեպետ ազատության մեջ նա ապրելու հնարավորություն չէր ունենա՝ գրում է Daily Mail-ը։
Փոքր սողունը, որին անվանել են Հույս, ունի այնպիսի հազվագյուտ հիվանդություն, որը մինչ այս դեպքը անասնաբուժության մեջ անվանում չի ստացել։ Մարդկանց մոտ նմանատիպ հիվանդությունը կոչվում է սրտային էկտոպիա (երբ սրտը դուրս է կրծքավանդակից) և հանդիպում է 126,000 նորածիններից մեկի մոտ:
Կրիայի տերը ամերիկացի Մայք Աքվիլինան է։ Նա հոգատարորեն փորձում է բոլոր պայմանները ստեղծել փխրուն կենդանու անվնաս կենսակերպի համար։
