Եվրախորհրդարանի պատվիրակության անդամներին, որոնց Վենեսուելա էր հրավիրել ինքն իրեն նախագահ հռչակած Խուան Գուայդոն, նախագահ Նիկոլաս Մադուրոյի հրամանով արգելվել է մոտնել երկրի տարածք: Այս մասին Twitter-ում հաղորդել է պատվիրակության անդամ, Իսպանիայի ժողովրդական կուսակցության ներկայացուցիչ Էստեբան Պոնսը:
«Ուշադրություն. մեր անձնագրերը վերցրել են և մեզ արտաքսում են Վենեսուելայից: Նրանք մեզ վատ են վերաբերվում, և նրանց միակ բացատրությունն այն է, որ Մադուրոն չի ուզում, որ մենք այստեղ լինենք» – գրել է Պոնսն իր միկրոբլոգում:
Միևնույն ժամանակ նա ընդգծել է, որ պատգամավորները, ամեն դեպքում, շուտով կվերադառնան «ազատ Վենեսուելա»:
Հետագայում Վենեսուելայի արտաքին գործերի նախարար Խորխե Արեասը պարզաբանել է, որ երկրի իշխանությունները Եվրախորհրդարանի պատգամավորներին նրանց ժամանելուց մի քանի օր առաջ զգուշացրել են, որ նրանք չեն կարողանա մտնել երկիր:
Հայտնի է, որ Վենեսուելայում, վեց հոգուց բաղկացած Եվրախորհրդարանի պատվիրակությունը պետք է հանդիպեր Գուայդոյի և եվրոպական երկրների դեսպանների հետ:
