Այսօր՝ փետրվարի 13-ին, ԱԺ-ում շարունակվում է Կառավարության ծրագրի նախագծի քննարկումը:
«Ծառուկյան» խմբակցության պատգամավոր Նաիրա Զոհրաբյանը իր ելույթում հայտարարեց. «Այս երկու օրը այս ամբիոնից մեզ բոլորիս բացատրեցին, որ տնտեսական հեղափոխության առաջամարտիկը լինելու է ՀՀ քաղաքացին: Իսկ ո՞րն է լինելու կառավարության գործառույթը: Թվային ցուցանիշը մեր կապրիզը չէ, դրանով կառավարությունը հաշվետու է լինում ժողովրդին: Ես հասկացա, թե ինչու չկան ճանապարհային քարտեզ և գործիքակազմ, որովհետև պարզվեց՝ ամեն ինչ կախված է քաղաքացու գենետիկ կոդից՝ պատրա՞ստ է քաղաքացին փոխել իր տնտեսական վարքագիծը, թե՞ ոչ: Համաձայն եմ՝ սա կառավարությունը կանխատեսել չի կարող, որովհետև սա արդեն էզոտերիկ ոլորտից է»:
Նաիրա Զոհրաբյանի խոսքով՝ այս ծրագիրը չունի ռազմավարական և հայեցակարգային հենք և չի տալիս ամենակարևոր հարցի պատասխանը՝ ինչպիսի՞ մոդելի տնտեսություն է ունենալու Հայաստանը առաջիկա 5 տարիներին. «Իսկ թե ով է լինելու տնտեսական հեղափոխության պատասխանատուն՝ մնում է օդում կախված»:
Վերջում Նաիրա Զոհրաբյանը հավելեց՝ զգուշավորությունը հեղափոխության հականիշն է:
Մանրամասները՝ տեսանյութում:
