Ամերիկայի նորաձևության դիզայներների խորհուրդը (Council of Fashion Designers of America) պատմության մեջ առաջին անգամ տրանսգենդեր դիզայներին թույլ է տվել իր հագուստի հավաքածուն ներկայացնել, գրում է Vogue-ն։
Մոդելյոր Փիեր Դևիսի No Sesso («Անսեռ») հավաքածուի ցուցադրությունը տեղի է ունեցել Նյու Յորքի նորաձևության շաբաթվա շրջանակում։
Դևիսն ակնկալում է, որ այդ քայլը մարդկանց կստիպի մտածել հասարակության տարբեր ներկայացուցիչների մասին և այն մասին, թե որքան կարևոր է մարդկությունը։
Առաջին հավաքածուն նվիրված է «ապագայի հպարտ բիզնես տիկնոջը»։ Այն ներառում է կոստյումներ, սպորտային հագուստներ և մորթե աքսեսուարներ։