Թուրքիայի վարչապետ Ռեջեփ Թայիփ Էրդողանը քննադատել է քարոզիչ Ֆեթուլլահ Գյուլենի գործողությունները, ով ներկայում բնակվում է ԱՄՆ-ում, և նրա ղեկավարած շարժումն անվանել է զուգահեռ կառույց: Այս մասին հաղորդում է haqqin.az-ը՝ վկայակոչելով թուրքական ԶԼՄ-ները:
Էրդողանի խոսքերով՝ այդ զուգահեռ կառույցը շանտաժի է ենթարկում երկրի բոլոր քաղաքական ուժերին, այդ թվում՝ ընդդիմությանը: Նա նաև նշել է, որ շարժման նպատակը բոլոր կառույցներ և պետական մարմիններ ներթափանցելն է:
«Զուգահեռ կառույցն անում է հնարավոր ամեն ինչ, որպեսզի երկրում իրականացնի իր նենգ նպատակները»,- ասել է Էրդողանը և հավելել, որ այդ կառույցը կապեր ունի նաև երկրի իրավապահ մարմիններում:
Վարչապետը նաև նշել է, որ Թուրքիան այն նախկին երկիրը չէ, որը կարելի է ղեկավարել շանտաժի միջոցով: