«Կողմ եմ ցանկացած օպտիմալացման, կրճատման, քանի որ հասկանում եմ, որ հարկատուն իր ուսերին դրված ծանրության տակ ճկվում է և դա թույլ չի տալիս, որ Հայաստանը զարգանա։ Օպտիմալացումը պետք է, քանի որ ներդրված փողն անընդհատ մխսվում է և դա ոչ օգուտ է տալիս երկրին, ոչ էլ ժողովրդին»,- ասաց «Անտարես» հրատարակչության տնօրեն Արմեն Մարտիրոսյանը։ «Օպտիմալացմանը կողմ եմ, բայց դեմ եմ մշակույթի նախարարությունը կրթությանը կցելը։ Ես կողմ եմ օպտիմալացմանը, բայց դեմ եմ պոպուլիստական որոշումներին։ Իսկ դա պոպուլիստական որոշում է, քանի որ նախարարության աշխատակիցներին ասվել է, որ որևէ մեկն իր աշխատանքը չի կորցնի։ Իսկ եթե ոչ ոք աշխատանքը չի կորցնում, ապա դա ինչով է օպտիմալացում»,- ասաց Հայաստանի մշակութային հիմնադրամի նախագահ Մանուկ Նիգոյանը։
«Պետք է հասկանալ, ուսումնասիրել, գնահատել ու նոր որոշում կայացնել։ Մենք պետք է հասկանանք՝ որն է խնդիրը, ինչ ունենք, ինչու է պետական համակարգը մեծ, որտեղից են գալիս դրա արմատները, ինչու զարգացած երկրները ունեն 7-10 նախարարություն, իսկ մեր երկիրը՝ 17։ Բանն այն է, որ մենք ժառանգել ենք Սովետական միությունից մի մեծ համակարգ։ Վերջին տարիների բարեփոխումների ծրագիր ենք իրականացրել, բայց դեռևս այսօր պետական համակարգը մնում է այդքան մեծ։
Մենք դեռ չենք ձերբազատվել մեր հասարակության կարգավորման այն ոլորտներից, որոնք ըստ էության պետք է պատվիրակվեին մասնավոր կազմակերպություններին»,- ասաց կառավարման փորձագետ Սերոբ Անտինյանը։
