Օդանավակայանների միջազգային խորհուրդը (ACI) հայտարարել է, որ կազմակերպության նախագահ է ընտրվել Մարտին Էռնեկյանը:
«Ցանկանում եմ ողջունել Մարտին Էռնեկյանին որպես ACI-ի նոր նախագահ: Մարտինը ճանաչված և հաջողակ գործիչ է այս ոլորտում: Ավելի քան տասը տարի նա եղել է ACI-ի Լատինական Ամերիկա-Կարիբյան տարածաշրջանի գրասենյակի ակտիվ անդամ, իսկ 2016-ից ստանձնել գրասենյակի նախագահի պաշտոնը»,- ասել է ACI-ի գլխավոր տնօրեն Անգելա Գիթենսը:
«Ինձ համար մեծ պատիվ է լինել Օդանավակայանների միջազգային խորհրդի նախագահ: Այժմ շատ կարևոր ժամանակաշրջան է ավիացիոն ոլորտի և հատկապես օդանավակայանների համար»,-իր հերթին հայտարարել է Մարտին Էռնեկյանը՝ հավելելով որ անհամբերությամբ սպասում է աշխատանքը սկսելուն:
Նշենք, որ Մարտին Էռնեկյանը «Կորպորասիոն Ամերիկա օդանավակայաններ»-ի գլխավոր տնօրենն է և Հայաստանի ազգային հերոս Էդուրդո Էռնեկյանի զարմիկը։
