Եգիպտոսի մայրաքաղաք Կահիրեում՝ Գերագույն դատարանի մոտ, ինքնաշեն պայթուցիկ սարք է հայտնաբերվել: Հաղորդվում է, որ փոքր հզորության ռումբը հայտնաբերվել է ուժային կառույցների աշխատակիցների կողմից՝ «Մուսուլման եղբյարներ» շարժման կողմնակիցների ցույցը ցրելուց հետո, որը կազմակերպվել էր ի նշան բողոքի՝ նախկին նախագահ Մուհամմեդ Մուրսիի դեմ սկսված նոր դատական գործընթացի դեմ:Այս մասին հայտնում է ITAR-TASS-ը:
Իսլամիստների անկազմակերպ հանրահավաքը սկսվել է հրացաններից անկանոն կրակ բացելով: Գործին միջամտել է ոստիկանությունը, որն արցունքաբեր գազ է կիրառել:
Ականատեսների վկայությամբ՝ անկարգությունների ցրման ժամանակ «Եղբյարները» բողոքի ակցիայի անցկացման վայրում արկղ են թողել, որում հայտնաբերվել են պայթուցիկից բացի՝ դյուրավառ հեղուկով լցված մի քանի շշեր, մալուխներ: Դեպքի վայր ժամանած սակրավորները վնասազերծել են ռումբը:
Բացի այդ, մայրաքաղաքի Հելուան արվարձանում ուժայինները պայթուցիկ նյութերի արտադրության փոքր գործարան են հայտնաբերել: Այն պատկանել է շարժման ակտիվիստներից մեկին: Ուժայինների կողմից առգրավվումներ են իրականացվել:
