«Իմ քայլը» դաշինքը գլխավորող Նիկոլ Փաշինյանը վաղ առավոտից նախընտրական քարոզչությունը սկսեց մետրոպոլիտենի «Զորավար Անդրանիկ» կայարանից: Նա ողջունեց այնտեղ գտնվող քաղաքացիներին, փոխանցեց նախընտրական բուկլետներ: Այնուհետև ուղևորությունը շարունակեց «Հանրապետության հրապարակ», «Երիտասարդական», «Մարշալ Բաղրամյան», «Բարեկամություն» կայարաններ: Ուղևորները բաց չէին թողնում Նիկոլ Փաշինյանի հետ լուսանկարվելու առիթը:
Նիկոլ Փաշինյանին ողջունեցին նաև սփյուռքահայ ընտանիքներ, որոնց մի մասը Հայաստան է եկել մշտական բնակություն հաստատելու:
Նիկոլ Փաշինյանը տեղեկացրեց, որ մետրոյում քարոզչություն անցկացնելը իր նախաձեռնությունն էր : Նա նշեց, որ մարզային այցելությունների հիմնական մասն ավարտվել է: Խոսելով առաջիկա օրերի անելիքների մասին՝ Նիկոլ Փաշինյանն ասաց, որ պատրաստվում է մեկնել Սանկտ Պետերբուրգ, սակայն մինչ այդ կմասնակցի բանավեճի Հանրային հեռուստատեսության եթերում:
