ԱՄՆ Կալիֆոռնիա նահանգի Բյութ շրջանի բնակիչները The New York Times պարբերականին բողոքել են, որ իրենց ժամանակին չեն ծանուցել անտառային հրդեհների մասին:
Բնակիչները պարբերականին ասել են, որ կործանարար հրդեհների մասին իմացել են իրենց հարազատներից և ծանոթներից: Միայն քչերն են հայտարարել, որ ԱՄՆ արտակարգ ծառայությունների ներկայացուցիչները զանգահարել են իրենց:
Նշվում է, որ բնակչությանը ծանուցելու մասին որոշում կայացրել է Բյութ շրջանի շերիֆը: Նա օգտվել է «Կարմիր ծածկագիր» հեռախոսային ծանուցման համակարգից, որն աշխատում է, եթե տվյալ անձը դրա հետևորդն է: Պարբերականը գրում է, որ այդպիսինները շատ չեն:
Կալիֆորնիայում անտառային հրդեհները սկսվել են նոյեմբերի 8-ին:
