Ամերիկյան համակարգչային անվտանգության IntelCrawler ընկերության մասնագետները սխալմամբ Սանկտ Պետերբուրգում բնակվող երիտասարդին տվյալներ գողացող վիրուսի հեղինակ են համարել: Այս մասին հաղորդում է Fox News-ը:
Ավելի վաղ The Washington Post-ում գրվե էր, որ 17-ամյա ռուսը ստեղծել է Kaptoxa ծրագիրը և 2 հազար դոլարով այն համացանցային շուկա հանել: Ընդհանուր առմամբ, ծրագիրը վերբեռնվել է առնվազն 60 անգամ: Դրա օգնությամբ գողացվել են Target Corp ռեթեյլերի 110 մլն հաճախորդների բանկային քարտերի անձնական տվյալները:
Այժմ IntelCrawler-ում հայտարարում են, որ համակարգչային վիրուսը ստեղծել է մեկ այլ ռուս, ով Էնգելսի տեխնոլոգիական համալսարանի շրջանավարտ է: Սակայն նշվում է, որ նախորդ կասկածյալը ծրագրի հեղինակի հանցակիցն է:
